الفنان الهادي الجويني

" الهادي الجويني "

مجموعة من أغاني الفنان الراحل بابا الهادي او الهادي الجويني الذي اشتهر في العالم العربي بأغنية لاموني اللي غارو مني التي وللاسف نسبها بعض الاخوة في العالم العربي للفنان لطفي بوشناق...
المهم انا الان اعرفكم به من خلال هذه اللمحة.....

هو فنان تونس الرقيق، الذي لا زالت أغانيه متداولة على أفواه الناس تُعبّر عن رقة الوجدان بكلمات مختارة وراقية.

ولد الهادي الجويني سنة 1909م بتونس، وبدأ دراسته في "الكتّاب" بحي سيدي المشرف بمنطقة الحجامين بالمدينة العتيقة في تونس، حيث تعلّم ما تيسر من القرآن الكريم. وانتقل إلى مدرسة باب الجديد ثم بفرع المدرسة الصادقية. كان يتعلم في الوقت نفسه العزف على العود، ويحفظ الأغاني القديمة لمشاعير الفنانين العرب.


تعلم الترقيم الموسيقي من عازف [الفيولونسيل] الإيطالي "بونورا"، ثم التحق بمعهد فرنسي للموسيقى وعمل به معلماً للعود للتلاميذ المبتدئين.

امتازت أول أغانيه بالبساطة وخفة الروح ومنها "شيري حبيتك" التي أداها في "ديو" مع المطربة [شافية رشدي].

التفت إثر ذلك إلى الشعر الأصيل ودرس النغمات التونسية، سعياً منه للنهوض بفن الأغنية التونسية؛ فانضم إلى جماعة تحت السور الشهيرة التي أخذت على نفسها أن ترتقي بالشعر الغنائي. لحّن الهادي الجويني لرواد "جماعة تحت السور" ومنهم [عبدالرزاق كرباكه،] والهادي العبيدي، [ومصطفى خريّف،] [ومحمد العريبي،] [ومحمد المرزوقي،] [وعلي الدوعاجي،] [ومحمود بورقيبة،] وغيرهم. ثم انضم إلى جمعية "[الرشيدية]" ينهل منها الأنغام الأندلسية الأصيلة...



قائمة أغاني الهادي الجويني تأليفاً و/أو تلحيناً: عادل يا عدوله - تحت الياسمينه في الليل - خلخال بو رطلين - لو كان موش الصبر يطفي ناري - كي بغيت تطير يا حمامه - اللّي تعدّى وفات - كنت نظنّ حبّي هناني - سهم الشفر قتّال - هذه غنايه جديدة - قوللها عينك تخطاني - يا كاسي وينهم جلاّسي - حبّي يتبدّل يتجدد - ودّعتك والدمع جريتو - نحكي لك كلمة - الصبر لله والرجوع لربّي - يا خنّابه - وين الدنيا - يا عين ما تبكيش - سلم على الأحباب - طير إن سمحت نواحو - دور العتاب - علاش تخمّم - اصبر يا قلبي المسكين - عليك نغنّي - لاموني إلّي غاروا منّي - مكتوي يا مكتوب - تبّعني نبني دنيا زينه - افرح يا تونس - صفحات من تاريخنا ذهبية - سمراء يا سمراء - يا اللّي نسيتك خالك - مفتون بخزرة عينيها - يا أم حسونه - قلبي معاك خذيتو - يا اللّي تعرف قل لي علاش - عفّي على المسكين يا خندوده.

سأبدأ بأشهر أغنية له.

لاموني اللي غاروا مني

 

لاموني اللي غاروا مني......قالولي اش عجبك فيها
جاوبت اللي جهلوا فني......خوذوا عيني شوفوا بيها
***
في عيني تضوي كالقمرة......اناجيها بحبي في سماها
وهوما يقولولي هالسمراء......اش فيها حتى تهواها
قلت لهم احلى من التمرة......وتردع بالدنيا وما فيها
***
انا في عينــــــــــيها ادم......وهي في عينـــــيا حواء
قالوا لي لاش تعشق خادم......قلت لهم يزي مالدوة
سمرة نبيع عليها العالم......والعالم كله شاهيها
***
هالسمراء اللي غرتوا منها......وحبيتوني باش نخطاها
ماانجــــمش نبعد عــــنها......أنا كالــــــحوته في ماها
مسحور وعاشق في بدنها......ومفتون بخزرة عينيها

أيضا من أحلى ماغنى

تحت الياسمينة

تحت الياسمينة في الليل......نسمة والورد محاذيني
الأغصان عليا تــــميل......تمسحلي في دمعة عيني
***
تحت الياسمينة اتكيت ......عدلت الـــعود وغنيت
وتناطر دمعي وبكيت......تفكرتك كيف كنت تجيني
***
جنينة مزينها النوار......فاحت من ريحت الأزهار
تفكرتك شعــــلت النار......عملت لهليبة في كنيني
***
متوحش وحدي محتار......لاقمرة ولا حس أطيار
كان النسمة ع الأشجار...... توانس فيا وتواسـيني

كلمات :السيدة عزّه

تلحين: حسيبة رشدي

مكتوب يا مكتوب

مكتوب يا مكتوب......عذابي اش الاخـــــــــــــــــــر يا مكتوب

يالله قدم وإلا وخـــر

يا مكتوب يا مكتوب

***

قدم انـــــــــشوف آخــر حالي......دلـــــــــوي فارغ والا مالــي

صــــــــبري عامر والا خالي......وانــــــــشوف اللي فيك مقدر

يا مكتوب يا مكتوب

***

انــت يا بنـــت الشـــــــهاوي......يا خـــــــفية كـــــــل غــاوي

سحرك المــــــــبدع الهواوي......تعرفش مــــــــنه أش تصور

يامكتوب يا مكتوب

***

أنا دعـــــــــــــــــــايا هو هو......ومهــــــــجتي في حب حواء

ما بقى لي صـــــبر ولا قـوة...... عـهدي اللي في جبيني مسطر

سمراء

سمراء يا سمراء.......ياسمراء بروحي نفديك
سمراء يا سمراء.......انت ليا وانا ليــــــــك
***
ياسمراء يا لون العسلة......انا نغزر وانت تحلى
جرحتني عينيك الكحلة......ياسمراء ربي يهديك
***
يا محلى شعرك وجبينك.....ومحلى تذبيلت عينك
الضحكة زادة في زينك......ياسمراء اسم الله عليك
***
انا باقي فيك نتبع.....وعن حبك عمري مانرجع وبسرك شاهي نتمتع....انا وحدي ما معايا شريك

 

حبي يتبدل يتجدد
،
حبي يتبدل يتـــــــجدد......مايتعدش كيف يتعدد
فكري يخونك كيف ما خنتي
لكن قلــــــــــــبي يحبك انت
***
حبيتك طـــفلة وبـــنية.....حبيتك كيف صرت صبية
حبيتك كيف بنت العم..... بحـــــــرارة روحي والدم
كيف ما يرجع الفرططو.............للنار اللي تحرقه
كيــــف ما يرجع الفلاح.............للحقل اللي عرقو
كيـــــف مايرجع الملاح.............للبحر اللي غرقو
نرجع لك حاير ومهني
انــت وقلبي أقوى مني
***
حبيتك كيف حاجة ليا..........مرسومة موش منسية
انحبك وانا حبي ليك...... حياتي موش خصارة فيك
كيف ما يرجع الفرططو.............للنار اللي تحرقه
كيــــف ما يرجع الفلاح.............للحقل اللي عرقو
كيـــــف مايرجع الملاح.............للبحر اللي غرقو
نرجع لك حاير ومهني
انــت وقلبي أقوى مني
***
أنا حبيت جملة ما فيك....... يعجبني حسنك غاويك
الدوني منك يعــــــــــــجبني.. والسبة منك تطربني
كيف ما يرجع الفرططو.............للنار اللي تحرقه
كيــــف ما يرجع الفلاح.............للحقل اللي عرقو
كيـــــف مايرجع الملاح.............للبحر اللي غرقو
نرجع لك حاير ومهني
انــت وقلبي أقوى مني

يطفي ناري


لوكان موش الصبر...... يطفي ناري
راهي الدنــــيا لاهبة......بـشـــراري
***
باقي نصبر
في القلب وانواسيه كيف يتكدر
وانقول ياقلبي اتحمل واصبر
وقرقب الزهر مع الزمان وداري
اللي مقدر ع الجبين مسطر
يدور الفلك ويتم وعد الباري
***
تعلى درجة
من بعد طول اليأس تولي وترجى
وبعد الجفاء تعطف علينا الغنجة
ويظللك نوارها ونواري
وتعود يا قلبي ليالي البهجة
وتروق فيها مهجتك وأفكاري
***
انسى أحزانك
وتعود كيف ما كنت في غيوانك
وتروى الدنيا من لذيذ ألحانك
وفي وسطها نمزج رقيق أشعاري
وفي جنتك الفايحة وبستانك
تبدأ ترفرف كل يوم أطياري
***
ياقلب أصبر
ويا نفس لا تحزن ولا تتحسر
يدور الفلك واللي انكسر يتجبر
وما يفوحشي بلا حرق عود قماري
يا نفس ازهى في سماك ونور
واطفي النار وقول هاهي أنواري

مفتون بخزرت عينيها


مفتون بخزرت عيــنــــيها ......والشـــــــفرة اللي بيها تسحر
ماأحلا الود على خـــدّيها ......يا وخيّــــــــــــاني ربّي يستر
***
يا ســـتّار يا جبـــــــــــار ......محــلا تذبيلــــــــــت شفرتها
والعيــــــــنين تكــوي نار...... متــــــحوفة ومحلا ضحكتها
أنا مــــــــنها عقــلي طار...... يا وخيّــــــــــاني ربي يستر
***
خفت انبوح ليــها بــسرّي...... تهرب وتتــــــــــــخبى عليا
نولي حاير ويصعب أمري...... والأمــل يضـــــــــيع عليّا
هي حياتي هي عمــــري...... ياوخيّــــــــــاني ربي يســتر
***
من هواها مريــــض فاني...... جسمـــــــي النار تشعل فيه
حالة خطيرة الحب خلاني...... ماعرفتــــــش باش انداويه
دايا مالحـــــب اللي بلاني...... ياوخيــــــــــاني ربي يستر


ألحان: الهادي الجويني